موال العمر !

الأمل مات …. بس الأمل ما بيموت

الحاله تعبانه من زمان….. بس لساتنا بلا بيوت

الفقير تعبان موشي جديد … ويلي ماشيه اموره بيقلك والله الحاله عالحديد

بتلف وبتدور … بس بعمرك مابتشوف النور

مافي خواص …. ومن هالحاله مافي خلاص

مالك غير رحمه الله … تواسي فيها حالك ياعبد الله

رضينا بالقليل … بس حتى قليل تطلع بدو اشتراك بالدليل

اكتشفنا ليش اسمو دلال بيوت … لانو لعندو غصب عنك ومو بكيفك بدك تفوت

حرقه هالقلب مو شغله جديده… بس بتضلها هيك بدها تعبي جريده

العدل الإلاهي موجود … بس العدل البشري بدو قطع حدود

اما اذا بدك تقضي عمرك ناطر…. من بعد اذنك اسناولي شريط لسا فاكر

كل الناس عندها عيون … بس كرمالي عيني انشاء الله عمرها مرج عيون

بتقول لحالك ها فرجت … بتطلع ها انزعجت

لك ياحبيباتي الصلاه على الحاضر …. بس لاء من الافضل انك تضل ناطر

طيب بنروح على اليمين …. بس لاء طلعو حالفين يمين

طيب بنروح عالشمال …. بس شو الله جبرك تركب عالبغال

بنطلع لفوق … أحم ممنوع تطلع لفوق

طيب لتحت … هههههه بتقول يامحلا هالتخت

العمر مافي بركه .. والشغل مافي بركه .. والوقت كمان مافي بركه … طيب بيمشو حالو قرض بنك البركه ؟

يرحم ايام زمان …. وقت جدي كان مو فهمان

احترق قلبك؟…. لا والله فيك الخير دخيل ربك

انو يعني عامل فهمان ….. قبل ياما جربو بنو الانسان

يعني بيواسيني وبيقلي الزمن فيه عيب … والله لوم الزمن هو العيببس الحمد لله … خليك جادبها ومتكل عالله

اذا مفكر تريح هالطاسه … اتكل على الله وشراب من هالكاسه

وخلي املك بالله كبير … لانو هو ولي النعمه والتدبير

بقلمي مع غصه… لانو من ورا كل قصه ….لازم يكون في….

بقلم صديقي “عامر سوار”

تجربة مقضية لمصدية 🙂

Advertisements

15 thoughts on “موال العمر !

  1. على قولة ابن الشقدوحة ..
    عوجي وياما حنشوف

    ما بعرف شو بدي قول يا أبو حميد
    عنجد شر البلية ما يضحك
    وتحية للأخ عامر….. وسوار كمان

  2. عامر… ما بعرف ليش وانا عم أقرأ حسيت حالي رح اسمعها كمان شوي من زياد الرحباني

    نفس الأسلوب..ونفس الروح الناقدة 🙂

    أبو حميد..تحية كبيييييرة إلك صديقي..وشكرا 🙂

  3. إذا الكلام للفرفشة و نضحك ع حالنا شوي.. ليش لأ !! بس المهم حقيقة أن لا نعزز الأفكار السيثة في رؤوسنا لأننا و بدون وعي نتطبع بها و نصبح نتاجها..
    وبما أن الموضوع رايق و مهضوم .. ما رح أقلبها فلسفة و رح كمل ضحك شوي

    شكراً للكل

    رزان

  4. صديقي محمد…..عنجد وبالشامي الصريح ..
    هادا حكي واحد مقضي لمصدي…وخالصين كازاتو إذا بدك…يعني عم يقيم عن الزاوية ويحط عالراوية..
    بس موال متعوب عليه … تسلم ايديكن…واسمو لابسو لبس(موال العمر)…العمر يلي عم يروح بعزقة وبلا طعمة..خليها لربك …
    …دمتم بخير : )

  5. يا سيدي وعلى قولة الفور كات (يسلمولي ):
    الدنيا هيك الدنيا هيك الدنيا هيك ………الدنيا هيك ومش هيك
    .وعيش عيش عيش خليها لذيذة حياتك وملي بالفرحة أوقاتك
    والدنيا بالضحكة لاقيها هي مرة منمرق فيها
    .
    .

    ….من الآخير وبدون ما كتر حكي , متعوب عليها تحية لأبو حميد ولعامر ….

  6. والله ياجماعة الواقع مر … وبهالحالة صدقوني كلنا بدنا نمر
    بس لما كتبت هالتدوينة …. ما توقعتها تصير حكاية
    بس اذا هيك الحكي عم يصير … لح كتر من هالعصير
    لانو هاد الحكي عبارة عن الحالة ….بس ما تفكرو انو بيطلع لما بتجيني الحالة

  7. ميرسي حلوة كتير هالمدونة وبصراحة ما منقدر نحكي شي لأنو هاد الواقع
    يسلمووووووووو عم ننتظر جديدك محمد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s